నల్లటి
చీకటిని నీ కనులకు కాటుకగా
అద్ది..
చుక్కలను
జతచేసి నీ వాలు జడలో
పూలగా పెట్టి..
ఇంద్రధనుస్సును
తెచ్చి నీ నడుముకు వడ్డాణంగా
మలచి..
ఆకర్షణని
నీ కనుపాపలో దాచి భూమి మీదకు
పంపాడు దేవుడు ఒకప్పుడు, ఈ సృష్టి నీ
అందం చూసి అసూయపడాలి అని..
కానీ
ఇప్పుడు తనకంటే అందం లేదని మురిసిపోతున్న
ఈ ప్రకృతికి ఒక్కసారి మళ్ళీ నిన్ను పరిచయం
చెయ్యాలని ఉంది..
- శ్రీ దేవి
- రఘు
No comments:
Post a Comment